آخر کار اب ہمارے پاس ایک ایسا رہنما ہے جس پر ہم فخر کرسکتے ہیں،آفریدی،محمدحفیظ،احمدشہزادکا عمران خان کی کامیابی پر ردعمل سامنے آگی

قومی کرکٹرز نے عمران خان اور پاکستان تحریک انصاف کو عام انتخابات 2018 میں کامیابی پر مبارک باد پیش کی ہے۔سابق کپتان شاہد آفریدی نے ٹوئٹر پر عمران خان اور پی ٹی آئی کو مبارک باد پیش کرتے ہوئے لکھا کہ یہ ایک تاریخی جیت ہے، آخرکار 22 برس کی جدوجہد نے بھرپائی کردی ہے۔شاہد آفریدی نے عمران خان کیلئے لکھا کہ پاکستانیوں کو آپ سے بہت امیدیں ہیں اور میں امید کرتا ہوں کے آپ آگے آکر قیادت کریں گے۔بعد ازاں انہوں نے تمام مخالف جماعتوں اور میڈیا سے درخواست کی کہ انتخابی نتائج

کو تسلیم کریں اور نئے پاکستان کے لیے مدد کریں۔قومی کرکٹر محمد حفیظ نے بھی عمران خان کی کامیابی پر خوشی کا اظہار کیا اور ایک ٹوئٹ میں لکھا کہ آپ نے ایک بار پھر کر دکھایا، کرپشن کے خلاف طویل جدو جہد تھی۔محمد حفیظ نے عمران خان کو طاقتور، بھروسہ مند اور بہترین رہنما قرار دیتے ہوئے لکھا کہ بن گیا نیا پاکستان انشاء اللہ۔ کرکٹر احمد شہزاد نے بھی عمران خان کی جدو جہد کو سراہا اور انہیں مبارک باد پیش کی۔ انہوں نے اپنی ٹوئٹ میں لکھا کہ آخر کار اب ہمارے پاس ایک ایسا رہنما ہے جس پر ہم فخر کرسکتے ہیں ٗدنیا کے آگے ٗ نئے پاکستان کا خواب پورا ہوگیا ہے۔