پنجاب میں حکومت سازی کیلئے مسلم لیگ (ن) کی مسلم لیگ ق کو بڑی پیشکش،چوہدری برادران کابڑا فیصلہ،کیا جواب دیا؟،تفصیلات منظر عام پر

 پنجاب میں حکومت سازی کیلئے مسلم لیگ (ن) کی کوششوں کو دھچکا،مسلم لیگ ن کے رہنما مشاہد حسین سید نے چوہدری برادران سے ٹیلیفونک رابطہ کر کے پنجاب میں حکومت بنانے کیلئے مسلم لیگ ق کی مدد مانگ لی، بڑے عہدوں کی پیش کش بھی کر دی، چوہدری برادران نے صاف صاف جواب دیتے ہوئے کہا کہ تحریک انصاف کے اتحادی ہیں اور ان کے ساتھ کھڑے ہیں۔ تفصیلات کے مطابق ہفتہ کے روز مسلم لیگ ن کے رہنما سینیٹر مشاہد حسین سید نے مسلم لیگ ق کی قیادت چوہدری شجاعت حسین اور چوہدری پرویز الٰہی کو ٹیلی فون

کیا جس میں پنجاب میں حکومت بنانے کے لئے ان کی جماعت سے مدد طلب کی ہے۔ مشاہد حسین نے چوہدری برادران کو حکومت پنجاب میں بڑے عہدوں کا لالچ دے کر حمایت حاصل کرنے کی کوشش کی لیکن چوہدری برادران نے لال جھنڈی دکھاتے ہوئے انکار کر دیا اور کہا کہ ہماری جماعت تحریک انصاف سے انتخابی اتحاد ہے اور ہم تحریک انصاف کے ساتھ کھڑے ہیں۔