بین الاقوامی

سعودی عرب نے عمرہ زائرین کے داخلے پر پابندی لگادی

سعودی عرب نےکورونا وائرس سےمتاثرہ ممالک کے عوام کے لیےعمرہ اورسیاحت پرعارضی پابندی عائد کردی ہے۔

غیر ملکی خبر رساں ادارے کی رپورٹ کے مطابق سعودی عرب کی وزارت خارجہ نےٹوئٹرپراعلان کرتےہوئےکہاہے کہ عمرےاورمدینہ میں واقع مسجد نبوی کی زیارت کےلیےسعودی عرب میں داخلے پرعارضی طورپرپابندی عائد کی گئی ہےتاکہ لوگوں کی حفاظت کی جا سکے۔

سعودی حکام کےمطابق یہ فیصلہ عارضی ہے اوراحتیاطی تدابیرکےطورپر صحت کے اداروں کی سفارشات پرمبنی ہے۔

اپنے بیان میں وزارت خارجہ نے یہ واضح نہیں کیا کہ اس معطلی سے کہ کونسے ممالک اس سے متاثر ہوں گے تاہم ان کا کہنا تھا کہ سعودی عرب کے صحت حکام اس کا فیصلہ کریں گے کہ وائرس کہاں پر خطرناک حد تک ہے۔

سعودی وزارت خارجہ نے اپنے شہریوں سے گزارش کی ہے کہ ایسے ممالک کا دورہ نہ کریں جہاں کورونا وائرس پھیل رہا ہے۔

دوسری  جانب  حکام نے یہ فیصلہ بھی کیا ہے کہ فی الحال سعودی شہریوں کو ہمسایہ ممالک جانے یا ان سے واپس آنے کے لیے پاسپورٹ کی جگہ قومی شناختی کارڈ استعمال کرنے نہیں دیا جائے گا۔

واضح رہے کہ سعودی عرب میں اس وقت تک کورونا وائرس کا کوئی کیس سامنے نہیں آیا تاہم اس کے پڑوسی ممالک میں یہ پھیل چکا ہے۔

واضح رہے کہ کورونا وائرس سے ہونےوالی بیماری کووِڈ 19 اب تک 38 ممالک تک پھیل چکی ہے۔

دوسری جانب چین میں اب تک کورونا وائرس سے 78 ہزار سے زیادہ افراد متاثرہوچکے ہیں جبکہ 2700 ہلاک ہوئے ہیں۔

Back to top button
Close